本文重點
台灣組合棒棒堂將於七月四及五日假紅館舉行演唱會，不少「棒迷」循內部認購或公開售票途徑撲飛，門票早已賣出九成多，成績理想。由於主辦單位宣布不會再加場，有人乘機斂財，在網上炒賣門票，不但將拍賣價每日提升再提升，更有人聲稱手持第三行位置的門票，將原價$500的門票炒高近五倍至$2,300，認真瘋狂。不少歌迷為爭取最佳「握手位」，跟偶像近距離接觸，紛紛留言查詢，未知有否歌迷落疊。
閉關綵排
棒棒堂所屬唱片公司金牌大風發言人表示：「明白歌迷好鍾意棒棒堂，可能一票難求，先會有人夾硬抬高價錢，但棒棒堂好多歌迷都係學生，經濟能力未係好好，我哋都想啲持飛人用原價拎番出嚟畀大家，等真正嘅歌迷可以入場睇騷。」
發言人稱演唱會不會加場，但會盡力安排六子多來港出席活動，跟歌迷見面接觸。
另外，正忙於準備演唱會的棒棒堂，月中亦將推出新碟《我是傳奇》，為爭取更多時間為個唱綵排，經理人張世明決定取消棒棒堂在台中及高雄的兩場簽名會，讓六子可以「閉關」準備演出。
文：音樂組