澳洲樂隊Air Supply前晚於會展舉行「Never Ending Love」巡迴演唱會首站，fans之一的魏駿傑特別帶同太太捧場，問到魏駿傑有否與舊愛阿滕聯絡時，他有所避忌說：「我同佢冇聯絡！」他又表示自己像《陀槍》中角色一樣，現在是一位好老公。對於阿滕與郭政鴻拍拖一事，他更加有讚冇彈，他說：「佢哋襯到絕！我都識咗鴻仔好多年！」他又自爆曾唱偶像的名曲《Here I am》冧太太，不過他說：「佢啲歌高八度都唔係人唱！」

姚嘉妮產後首次與老公林祖輝拍拖。	郭政鴻、滕麗名（資料圖片）	Air Supply開騷，吸引不少圈中人捧場。

姚嘉妮掛女變黐線

姚嘉妮與老公林祖輝拍拖到場，嘉妮修身已見成效，但仍凸出一個小肚腩，她表示今次是產後首次與老公過二人世界，但自己卻十分掛念囡囡，不時拿出手機睇囡囡玉照，在旁的林祖輝不禁說：「佢掛到黐咗線！」

此外，佘詩曼、馬德鐘、李亞男、苟芸慧、阿叻則陪公司高層樂易玲睇騷，問到阿佘為何陪樂小姐睇騷？她解釋：「公司有六張飛，我放假得閒嘛！」她更醒目地乘機「擦鞋」：「我有份睇都覺得好榮幸！」

採訪：名人組