陳鍵鋒、鄧上文及戴夢夢昨日出席活動談到新一屆港姐的內在和外在美創歷屆新低，拖低港姐品牌，三人大嘆無奈。港姐出身的鄧上文委婉地說：「我有睇今屆啲港姐，可能佢哋仲需要啲時間等大家發掘佢哋嘅個人特質，佢哋經過ＴＶＢ包裝，學完儀態、集訓完會唔同。（ＴＶＢ揀啲甩皮甩骨嚟製造話題？）我諗唔係嘅。（點睇港姐是非？）都唔知啲人爆料係咪真，而且私人事唔應該影響參選嘅。」
而戴夢夢則直言：「我有印象有個佳麗好鍾意名牌，我覺得今屆質素參差，破壞咗歷屆港姐留下嘅好印象，嗰個對記者態度囂張嘅佳麗，可能係唔習慣面對人，（佢做空姐㗎！）咁就唔知嘞。」陳鍵鋒則笑言：「佢邊間航空公司呀？唔好搭，講笑啫，我諗呢啲都係個別人士態度問題。」