昨日E Cup Baby、Lavina、胡心諾（Rainbow）及「翻版阿Sa」周凱盈（Monique）齊以背心熱褲出席西九龍中心舉辦的PS3「夏之盛放」寫真集升呢預購會，其中以E Cup Baby最搶鏡，穿上超低胸背心的她引來一眾龍友爭相拍攝，死敵Lavina即使露腰亦難以突圍。不過當四人趴在床上影相時，Lavina來一招上下失守，露出桃紅色比堅尼Top及疑似間條內褲，以奇招博出位。

E Cup Baby以超低胸背心上陣，引來龍友爭相狂影。	左起：胡心諾、鍾蕙芝、劉欣宜及周凱盈齊齊出席寫真集預購會。	Rainbow就讀的玫瑰崗學校有女生吸毒，她重申自己從未試過。

攬到實扮老友

雖然兩女鬥身材鬥出面，但在台上卻攬着合照扮老友，以行動證明沒有不和。性感搶鏡的E Cup Baby自言衣服由大會提供，又不忘讚Lavina也很性感。對於現場有人對着其胸部狂影，她直言：「我睇唔到，如果意識唔好都會唔開心。」早前有報道指她有臭狐，她認為謠言止於智者，並笑言：「如果我有，你哋都行開咗啦！」

唔係個人表演

Lavina解釋所露的並非內褲，而是泳褲，更表示「預咗會露」。雖然她否認講過E Cup Baby有臭狐，又指二人「惺惺相惜」，但言語間卻寸爆對方。說到E Cup Baby以性感打扮搶晒鏡，Lavina話中有話的說：「今日大家一齊合作，唔係個人表演。」記者指二人屢次傳出不和？她又暗指E Cup Baby老，自稱會尊重「前輩」，說話極為有骨。

文：名人組