名模周汶錡及港姐出身的徐淑敏（Suki）和馬賽昨日出席飲食節目活動，除即席示範烹飪外，更被要求戴上手套伸手入箱內摸田雞及鱔，嚇得幾位靚女尖叫，Suki更不顧儀態地彈開，場面相當搞笑。Suki坦言有留意本屆候選佳麗，且笑謂：「知道有個『逼爆徐淑敏』囉，當年我選畀人叫『翻版薛凱琪』，依家終於有人似我喇。（今屆是非多又冇禮貌？）咁真係要管教吓。」她又透露近日愛上下廚，在家宴請不同飯腳：「試過有日由買餸、煲湯、炒菜、食飯，到洗碗，足足花咗十幾粒鐘，期間覺得自己煮到成身臭汗，好彩啲朋友讚幾好味。」
而周汶錡則認為現階段指候選港姐質素差是言之尚早：「好似我啱啱入行做模特兒嗰陣都要學好多嘢，佢哋都要經過學習階段嘅。（留意邊位？）未正式公布入圍名單嘛。（連記者會都舉行咗喇！）係咩？」
