食錯嘢屙到腳軟

昨日一眾《ID精英》演員為劇集宣傳，他們分兩組打水球，身為劇中主角的郭晉安及YoYo全程「隔岸觀戰」，笑言留給一班後生玩。兩隊龍門分別由Toby及姚嘉妮擔任，Toby坦言前晚才於大陸返港，不知要落水，故沒有打底，臨急臨忙叫同事幫她買上身的打底衫。正值「M到」的Toby，笑言內褲亦濕透。她說：「可能我太落力，架艇入水。（係咪你太重？）我應該瘦咗，喺大陸食完就屙，有次食錯嘢，凌晨坐喺馬桶幾個鐘，屙到腳軟。」

YoYo因為怕會被人掟落水，故已打底上陣。她笑言着泳衣亦沒所謂，但只限擺甫士影相，玩遊戲就可免則免，因怕走光。對於豬流感（H1N1甲型流感）有機會在社區爆發，原本想去法國探朋友的YoYo，坦言不敢搭飛機而取消。

郭晉安贊成停課

此外，郭晉安表示太太買了兒童口罩給囝囝玩，好讓兒子不會抗拒。問他覺不覺學校停課有助收視？他說：「係有啲好處，但其實小朋友停課就唔好出街，應該要留喺屋企，但我就嚟要帶個仔返playgroup，希望可以上到。」

文：影視組