吳君如、呂方及鍾鎮濤（阿B）等昨日為節目《星星同學會》進行錄影。君如對於被爆是今屆候選港姐袁嘉敏的提名人時笑謂：「佢成日話想入行選港姐，咁我咪叫佢試吓。（優點？）佢係陳可辛個秘書，亦係我半個助手，除咗做嘢好之外，身材都好好，同傳媒嘅應對亦係一流。」問到君如可有給對方意見？她笑謂：「佢成日SMS問我嘢，所以我介紹咗自己個化妝同髮型師畀佢，同埋叫佢要聽話同乖，等第日紅咗先囂，又畀心理準備佢呢行壓力好大。」君如指對方現時未有男友，而其身材亦是真材實料，更抵死的說：「假嘢嗰啲我唔會提名。」
說到日前有外籍傭工殺死僱主一事，阿B自爆亦曾試過被外籍傭工在其戶口提款後逃去無蹤：「嗰陣同佢喺美國返港，當時佢就湊住我個得歲幾嘅仔，點知佢上機前用銀行寄畀我嘅提款卡㩒咗一筆錢然後走咗去！」阿B透露暑假將到美國登台，雖然得知當地豬流感非常厲害，但因屆時細女在港無人照顧，所以要帶同囡囡前往當地。同場的呂方則指自己不會再講感情問題，稍後將飛到北京工作，又指年底將在當地舉行小型個唱。
