曾曦寧（Hilaire）自參加港姐後，是非不絕，來自四方八面的爆料者輪住爆料，單單昨日，已有三位爆料者出現，大數Hilaire的不是，雖未能查證內容真偽，但看表面已可肯定Hilaire人緣認真惹人關注！

帶埋細妹去劏客

昨日其中一位爆料者陳先生向本報Email十多張有關Hilaire的照片，當中包括童年照、Hilaire穿上空姐制服在機艙與周星馳、容祖兒影的合照，以及跟一班空姐與消防員開遊艇派對的照片。陳先生指自己曾跟Hilaire是朋友，對於早前有不少人爆料指Hilaire鍾愛名牌，陳先生亦很認同，並謂：「佢成日都話男朋友一定要喺佢身上使錢，否則就唔愛佢，又試過有乘客約佢去街，佢就叫埋妹妹出嚟，叫人哋請佢哋去五星級酒店食貴價日本菜，一餐飯要成五千幾蚊埋單，又試過有一位坐商務客位嘅乘客約佢出街，佢睇中一條八、九千蚊嘅頸鏈，就暗示要人哋送畀佢，對方唔騷佢，就話人哋Cheap！」

矮同樣衰成死穴

陳先生續稱，Hilaire性格自傲，不許別人說她「矮」同「樣衰」，口頭禪就是叫人「食屎」，而她的感情世界，亦很糾纏不清，其前度男友更曾一度騷擾其現任機師男友。

陳先生亦質疑Hilaire的學歷沒有大學預科水平，他更指Hilaire只是中五畢業，更留級一年。

除了陳先生外，昨亦有兩位爆料人，指Hilaire任空姐期間（現正請假中）亦甚為出位，如「大鬧台灣酒店」、「借故走入駕駛艙」以及「對同事黑面」等，公司同事早已向她冠以「公主」稱號，除經常要求男友買名牌之餘，仲會笑一些年齡較長但做不到艙務長的空姐。對於Hilaire參選港姐，同事們都熱烈討論，且全部都為此而感到很開心，因不用再對住這位「公主」！

Hilaire面對傳媒時笑容可掬，不過同事從沒見過，反指她對客人笑得很敷衍。而另一爆料人，則指Hilaire在機上售賣免稅品時經常擺烏龍，所以最後公司找其他人接替該崗位。

林莉彈冇突出者

對於陳先生質疑Hilaire的學歷，無綫外事部副總監曾醒明指今年所有港姐的學歷，無綫均有看過證書，所以不會有虛報學歷存在。

另外，前港姐林莉被問到今屆港姐質素下降，她表示：「初段啫，要畀啲時間佢哋增加自信，（有冇嚇親？）咁又冇，不過暫時未有特別突出，（女版許愿都入咗圍喎！）吓，佢入咗圍咩，可能角度問題啫。」

文：影視組