李曼筠（Maggie）為求突破，日前終下定決心將留了多年的髮蔭剪短，並將眉毛染啡，希望能帶給fans新鮮感。Maggie笑謂新髮型與十四歲那年無異，還因此給媽媽起了「齊葺葺」這個新花名，讓她啼笑皆非。
剪了一頭新髮的Maggie，感覺比以往更為青春，Maggie笑謂希望新髮型能幫助自己「重新做人」：「之前個髮型好似斯文咗啲，依家呢個髮型就活潑番好多喇！以前成日都有人覺得我唔鍾意講嘢，其實我並唔係大家想像中咁安靜，只係有時怕醜啲啫。希望剪咗個新髮型之後我會識講嘢多啲啦！」
染眉過癮
為了讓眉毛與髮色變回統一，Maggie順道將眉毛染成啡色，還笑謂漂染過程十分過癮：「髮型師搽咗啲白色嘢落我條眉度，搞到我好似白眉道人咁，好好笑，我仲第一時間影相留念添。」
有新花名
Maggie又表示新髮型與她十四、五歲時的髮型一模一樣，令到爸爸媽媽也不禁大為驚嘆：「佢哋話我個樣細個咗好多，媽咪仲因為咁幫我改咗個花名叫『齊葺葺』，仲要日叫夜叫，搞到我由初初覺得好笑，到最後覺得好煩。」
文：專案組
攝：沈健程