最近力谷新歌《搖擺》的新進樂隊Mr.，日前到銅鑼灣鬧市派發postcard，吸引過百市民及歌迷爭相搶奪，連Dash的外甥女也專誠捧場。

Dash被男歌迷索吻，非常搞笑。	Dash手抱精靈可愛的外甥女到場。	Ronny大受女歌迷歡迎。

宣揚搖擺訊息

近日旺角發生連串「鏹水彈」事件，導致多人受傷，問到可擔心在銅鑼灣也會受到「空襲」威脅？樂隊主音兼發言人Alan說：「唔係好驚，其實冇諗過呢個問題，我哋呢啲係不怕死精神，反而希望宣揚到《搖擺》訊息，即係大家遇到挫折，要放鬆同勇敢面對。」Alan續說：「今次我哋派咗過百張postcard，啲歌迷同市民即場寫完佢哋嘅心聲，再畀番我哋，我哋會做送信者，幫手寄出去，將唔同message傳畀佢哋要告知嘅人，我哋覺得好有意義。」

惹女歌迷呷醋

雖然沒有發生「空襲」，但Mr.卻避不了歌迷的「突襲」，事緣有名年輕男歌迷是Mr.的忠實粉絲，對成員Dash尤為着迷，該男歌迷更鬧着玩向Dash索吻，估不到Dash竟然有愛無類，一口應承，還順勢錫落男歌迷臉龐，惹起其他女歌迷呷醋，場面惹笑。另外，對於樂壇校長譚詠麟點名力讚，加上備受唱片公司力捧，問到會否感到壓力？Alan說：「聽到都開心，壓力就一定有。」

文：專案組