王祖藍追徐子珊由螢光幕追到大銀幕，雖然仍未能奪得美人歸，不過二人同樣不介意「女高男矮」，更揚言隨時隨地可以爆發出無窮火花。
王祖藍和徐子珊都相信娛樂圈流行的事物會循環不息，過往不少當紅影星都是從電視圈發掘而出，這段時間他們便因為在電視受矚目而被挑選合演電影，祖藍說：「我由第一次同子珊合作電視劇《美麗高解像》就追佢，到拍電影《矮仔多情》一樣係追佢，結果仲要全部都係追唔到。」
約會高佬唔方便
雖然女高男矮，但二人同樣認為愛情路上高矮從不是問題，祖藍甚至說以前的女朋友都高過他，他說：「我唔知街外人有冇異樣眼光，我拍拖眼神淨係望住女朋友，其他人係點真係唔知。」子珊亦坦言曾經和一名6呎3吋外籍男孩約會，才發現過於高大並不是太方便。
扮鬼扮馬又夠放
同樣出身自電視台，同樣是「飛躍進步獎」得主，王祖藍和徐子珊特別投契，他們說：「好多電影人都會覺得用我哋拍過電視嘅，至少識得睇位，識得有基本反應。」
祖藍大讚子珊演戲夠放，節奏感強，扮鬼扮馬最叻，非常適合演喜劇，兩人由合作《矮仔多情》以來迸發出不少火花，平時對戲都會有出乎意料的效果，連幕後團隊都大讚。
子珊
Hair：Ason @ Hair
Make Up：Omix B
祖藍
Hair：Ted Yeung（ii Hair Nait）
Make Up: K.T @ Felix Ferreira
採訪：影視組