江希文日前以表演嘉賓身份出席廣州音樂頒獎禮，她透露最近參演舞台劇《當梁山伯愛上潘金蓮》，五月初上演的首場已令她過足戲癮：「我喺劇入面做阿蓮，個故事係講男女感情關係。其實個劇團喺廣州好有名，張達明都有上嚟睇，自己都幾鍾意做舞台劇。」
雖然現時長居廣州，但她坦言好想返香港：「其實我都好掛住香港，不過我喺呢度有間屋，可以專心啲一個人寫歌，睇吓邊度有工作就去邊度啦！其實自己都有意思做幕後，發掘啲新人入行。」對於她與有婦之夫的戀情，江希文笑謂：「超級流呀！佢係我經理人輝哥，個記者原本係上嚟採訪我生活，唔知點解會變成咁。（同家姐解釋？）家姐其實都無話啲咩，只係叫個記者唔好寫得咁核突啫！」她表示現時感情生活仍在努力中。