陳柏宇（Jason）早前現身電台接受訪問，趁機宣傳最新推出的專輯，透露第一次遠赴日本拍攝MV的趣事，他說：「今次有啲特別，拍嗰陣首歌都未填好，淨係得一句歌詞，好彩係拍外景，而且知道故事大綱，係一首慘情歌，我只需全程擺個『慘樣』就得！」
唱片公司更為Jason安排美少女模特兒在MV充當其女友，與美少女朝夕相對數天，Jason自認怕醜，未有與對方擦出愛火花，他說：「有火花都只限於MV入面，佢好細個，有代溝，而且自己比較慢熱，唔識同啲唔熟嘅女仔相處。（咁點追女仔呀？）通常都係朋友嘅朋友，我唔會自己去識啦！」
