林峯前晚為下周三舉行的處男演唱會綵排，為與歌迷拉近距離，將搭建一個可伸展到第十五行的握手舞台，已獲公司買重保險的林峯坦言擔心屆時因興奮過度而差錯腳。
怕興奮差錯腳
林峯手持舞台設計圖開心報喜，他說：「個台左右兩邊會去到十五行，其實申請咗好耐，希望可以接近啲觀眾。（點呼籲歌迷小心？）我個人咁大頭蝦又論盡，擔心自己興奮差錯腳好過啦。」由於有一邊舞台有水池，林峯奸笑道：「應該最近台嘅人會濕晒。」
貼身衫唔輸蝕
擔任嘉賓的謝天華亦有出席綵排，透露個唱上會與林峯鬥舞，他說：「聽講佢會着T-back，我都唔輸蝕，搵咗設計師整咗套貼身衫。（有冇睇過佢條T-back？）未，不過好期待。」問到他的出現會否搶去主角風頭？他說：「唔擔心，林峯T-back一出已經殺晒。」
採訪：音樂組