12/06/2009

播放本新聞相關短片

張繼聰讚老婆零缺點

張繼聰（Louis）昨日到電台宣傳新歌《永和號》，他笑說：「其實真係有呢間舖頭喺中環，已經成80年歷史，可惜因為要收樓所以被迫結業，入面有好多情懷，所以寫首歌送畀佢！」他透露新碟將以時間為題材，並與插畫師小克合作：「有時愛情耐咗，都可能只會睇到對方嘅缺點。」問太太謝安琪有甚麼缺點？他說：「我覺得係佢嘅性格，唔係缺點。（太太完美？）係！」

Louis透露父親節前夕與周國賢舉行音樂會，計劃帶同囝囝及爸爸同行。