Amanda S.母性大發，直言恨當媽媽，雖然現時還是「安全為上」，不過若小生命要到來，她亦樂意當未婚媽媽，她更揚言日內會和男友去一個浪漫勝地造人。
Amanda S.、Lisa S.、陳嘉容及Ana R.四位名模昨日出席Folli Follie「The Many Faces of Emotions」慈善攝影展開幕禮，為苗圃行動籌款。拍照時被指最靜的Amanda，大爆Lisa最crazy︰「佢最曳、最crazy，可能我斯文得滯，佢唔怕醜，得意又有創意。」
懷孕即退休
為苗圃當義工的Amanda，坦言愛孩子，因此無懼當未婚媽媽︰「我想生兩個，結唔結婚無所謂，如果生，我男朋友會負責任，（依家不設防？）要發生就發生，不過依家安全啲好，如果大肚我就會退休。星期六我會返法國同爸爸慶祝生日，之後會同男朋友去一個好浪漫嘅地方旅行，可能到時會有咗返嚟都未定。」
Lisa S.早前到日本欣賞《變形金剛：狂派再起》首映，並與女主角Megan Fox埋身訪問，她大叫不能呼吸︰「Megan Fox好靚，我見到佢簡直唔可以呼吸，有戀愛感覺，如果我係同性戀一定愛上佢。」
上機戴口罩
Lisa S.續說：「Daniel（吳彥祖）都有見到佢，佢都有讚Megan Fox靚，不過我唔會妒忌，我只係妒忌佢嘅美貌，同埋我知我先係Daniel嘅女朋友。」Lisa並謂日本很整潔，不怕染豬流感︰「我上機有戴口罩，日本人都唔驚，依家好似沙士咁要乾淨，唔好啜手指。」
文：名人組