阿倫平日臉上總是掛住笑容，但日前拍攝新歌《讀愛》MV時卻愁容滿面，難道見慣風浪的他亦有心事？其實他是難忍腳痛之苦，因早前踢波弄傷左腳後，阿倫仍堅持忍痛到深圳出席探訪活動，翌日即趕回港投入MV的拍攝工作。

「有助減輕痛苦」

MV的故事講述靚女模特兒扮演失明舞蹈員，阿倫以溫情目光欣賞她，場面浪漫。為了不影響進度，阿倫只服止痛藥便「頂硬上」開工，但仍不禁露出痛苦之情。

導演見阿倫一臉愁容，便使出「美人計」，臨場安排美女Model與阿倫咀嘴，果然令他回復搞笑本色。問阿倫是否要求導演加真咀鏡頭？他笑謂：「唔係呀，我淨係要求靚女咋，有助減輕痛苦嘛！」

鼓勵青年做義工

此外，暑假期間，阿倫將為年輕的歌迷舉辦「感動全城開拓義工世界」，只要履行義工服務達指定的小時，便可以換得阿倫的音樂會門票，他說：「希望年輕人可以趁暑假做多啲有意義嘅事，仲可以換飛睇我嘅音樂會，一舉兩得！」而阿倫的新碟《再度感動》將於本月18日推出。

文：音樂組