劉嘉玲、李冰冰、徐克和洪金寶昨日現身橫店，出席英皇電影發行的新片《狄仁傑之通天帝國》記者會，現場播放片花先睹為快，但角色造型未有出現，繼續保持神秘。

（右起）徐克、劉嘉玲和洪金寶在橫店出席新片記者會。

李冰冰一直恨拍動作片，今次終於如願以償。

努力演武則天

會上有記者指《狄》片故事內容浪漫，問到徐克覺得劉嘉玲是否浪漫之人，導演徐克說：「佢同梁朝偉已經夠浪漫啦。」嘉玲一聽到老公的名字，立即展現出幸福之情並撒嬌說：「可唔可以講第二啲嘢呀，同你（徐克）一齊仲浪漫啦。」

另外，有指她為了武則天一角而練習騎馬，曾經墮馬受傷，她否認說：「無。到依家練咗六、七日，但係有一定難度，我一向都驚騎馬，過往都係用替身或假騎，但今次係無作狀。」她表示感謝劇組安排了年老馬匹給她練習較易上手。

一年不准懷孕

早前傳有衞生巾廣告商以二千萬人民幣邀她拍攝廣告，但列明一年內不准懷孕而遭她推掉，嘉玲解譯說：「呢件事係有人搵過我傾過，但未傾到條件我就推咗，因為覺得形象上唔適合，我仲有其他類型廣告喺手。」

問到是否準備懷孕，她說：「拍完戲先算，起碼都要八月底，之前無時間。」她透露稍後與關錦鵬合作另一新片。

同場李冰冰表示花了廿小時從意大利趕到橫店，今次有洪金寶為她度身訂造一連串動作場面，感到夢想已實現眼前。而動作導演洪金寶表示「七小福」五十周年紀念，稍後將相約師兄弟一聚。