昨日胡杏兒和陳倩揚出席香港小姐記招，將會擔任港姐外景嘉賓的她們即場被召上台示範catwalk，表現有板有眼。對於入圍佳麗被批評質素差，胡杏兒說：「佢哋第一次唔怯場已經好好。（覺唔覺多是非？）咁係會對佢哋有影響，希望可以將好嘅一面示人。」
同場的樂易玲亦大讚佳麗質素不錯，仍有三個月時間改善。對於佳麗多是非，她說：「好開心啲女仔唔理外界報道，其實每年都有noise，有人注意係好事，希望佢哋畀到大家睇好嘅一面、點同傳媒相處。」問到會否以張舒雅作為教材？她說：「入圍時已同佢哋講清楚有咩責任，如果佢哋接受唔到就唔會選佢哋入圍，合約內容同過往一樣冇多冇少。」
