譚詠麟（阿倫）將於下周飛往美加舉行「左麟右李巡迴演唱會」，早前因踢波不幸整傷左腳的阿倫笑言有意參考吳尊坐輪椅上台。他說：「睇吓用唔用得着。」因傷口仍充滿瘀血，阿倫忍痛聽醫生建議抽血水，痛得他標眼淚兼大叫，他說：「最怕打針，今次仲要抽血水，最後抽咗三支半針筒血水，希望傷口唔再痛。」阿倫透露醫生早已叫他要好好休息，他說：「叫我少啲行路，仲話最嚴重係以後唔可以踢波，搞到我幾咁沮喪。」連日來各地歌迷均在網上留言祝福偶像早日康復。