Irene透露和老公剛遊覽完瑞士、米蘭、羅馬等地返港，充電後一臉春風得意的Irene興奮表示：「好開心呀，呢個trip可以自己揸車周圍去，沿途睇到好多好靚嘅風景，最開心係可以揸電單車，老公揸車，我就坐佢後面，感覺好正好難忘！」此行除了欣賞美麗風景外，Irene更成功戒煙，她說：「其實去之前有少少唔舒服，見到咁靚嘅風景又唔想食煙影響個mood，所以keep住冇食，最後仲成功戒埋！」

與老公各有各忙

問Irene和老公可有趁歐遊乘機造人？Irene說：「冇諗呀，我好享受依家嘅生活！」她稱現階段只會接拍自己喜歡的電影和廣告，閒時又可以和老公四處遊歷，這樣的生活才是她所期待的，不過Irene透露和老公一年才有一半時間相見，她說：「我哋平時都各有各忙，又要成日飛，基本上一年裏面只有一半時間見面，所以我哋都好珍惜見面嘅時間。」

望救助四川災民

另外，Irene早前在內地拍攝一套名為《逃亡者》的電影，電影圍繞講述5.12四川地震的親情故事，而Irene飾演一名在地震中負責拯救工作的醫生太太，Irene透露電影即將在內地上映，她希望能透過該電影撥出部分善款救助四川災民。

採訪：音樂組

攝影：謝國華

地點：TUSCANY by H