陳霽平（Maria）早前到泰國曼谷工作，順道跟姐姐旅行遊玩，但因當地政治情況有點緊張，兩人遂轉到華欣遊玩。醫生男友趙式言對Maria到泰國十分擔心，還叮囑她帶備藥物，相當細心！
Maria早前被國際旅遊界組織邀請到曼谷出席TTG旅遊大獎頒獎禮司儀，今年已是Maria第三年獲大會邀請，大家合作得十分愉快！由於姐姐亦有假期，Maria完成工作後，打算留下來玩幾日，但因當時曼谷氣氛緊張，政治情況有些不穩定，兩姊妹決定轉去華欣遊玩。
拍拖公私分明
Maria說：「我哋喺曼谷逗留咗幾日，出入酒店都要檢查手袋，搭的士返酒店，職員都會用探測儀器檢查的士底部，睇下會唔會有炸彈，所以氣氛都幾緊張。」
問Maria男友趙式言有否擔心？她說：「都有少少嘅，可能佢係醫生，出發前提我帶一啲成藥，以備不時之需，（點解唔叫佢陪你一齊去？）我哋工作與拍拖分得好開，我同佢呢幾年都希望好好發展事業，所以工作嘅時候對方都唔會出現，以免大家分心。」
完成書展著作
她與姐姐到華欣，除了欣賞美景外，還大歎當地馳名的Spa，Maria大讚名不虛傳，令她與姐姐可以好好輕鬆一下。而在這個寧靜的假期裏，Maria還完成了一本教授英語的新書寫作工作，預備於今年書展推出。
文：影視組