最近有新戀情而春風滿面的盧巧音，原來與舊公司的合約已完結，但她一肚氣表示：「舊公司唔配合宣傳，原本講過出國語碟，我歌就做好晒，但到完約都未有下文！」

仍會出席宣傳

但最令盧巧音動氣的是原定的出書計劃！原來前年公司已要求她交稿，她亦早已完成，但足足等了一年亦未有下文。約滿後，她希望取回文稿，但一直不得要領，至近日才通知她會在今年書展推出，令她忍不住大呻：「我又唔係靚模，做咩要喺書展出書？」雖然舊公司如此待她，但她仍會出席宣傳，盧巧音謂：「始終本書係我嘔心瀝血嘅作品，我始終會畀面。但佢哋咁樣做嘢冇計劃，令到我自己嘅事業都冇晒計劃。」

曾看不上男友

另外，最近盧巧音就在家中自設Studio，坦言在樂壇打滾多年，最喜歡的仍是夾Band，正計劃搞一隊全女Band，希望唱得又睇得，現正物色人選。問她為何不與Koler樂隊成員男友Sammy合作？她即甜笑回應：「工作同拍拖要分開，何況隊Band係家強搞嘅，要尊重佢。」

盧巧音又自爆與男友Sammy的相識經過，她謂：「其實好多年前識落，但當時我係玩Band嘅大家姐，睇唔上佢呢啲細路。到之後有次撞番，大家傾落好夾，一拍即合。」

盧巧音與男友已有共識計劃將來，揚言希望Sammy是她最後一個。

文：專案組