蕭瀟（Ruby）與張栢芝同期出道，入行十年，02年赴台灣發展，今年改名為蕭希榆再戰香港樂壇，Ruby人靚歌甜，自彈自唱新歌《倒刺》又獲得不少好評，可是靚模當道，人人瞓身低胸示人博出位，Ruby不得不另想法子突圍。
日前Ruby在助手陪同下到商場揀性感三點式泳衣，揀中幾件少布水着後Ruby即入更衣室換衫，換上泳衣top的她，更大方步出和助手仔細研究一番。只見Ruby身上未有丁點贅肉，腰肢纖細，胸部雖然不是豐滿導彈形，但亦睇頭十足。記者趨前表明想訪問，她換過衫後大方受訪，表示將去沙巴影寫真，故揀定泳衣。問她可滿意身材？她說：「都OK嘅，唔算太肥又唔算太瘦。（寫真集會唔會好性感？）係健康性感，唔會太暴露。」