Soler與前經理人的合約糾紛被判敗訴，兩子要賠償五百零六萬。然而一波未平一波又起，前日有報道指Soler本來答應到澳門做騷，但兩人不但企硬廿萬獻唱四首歌，更要求巨星待遇，包括入住兩間套房及預留五間單人房予工作人員，最終被主辦單位飛起。不過，據知Soler今次是透過中介製作公司接洽，而且只是開價十萬唱兩場，每日一場，合約細節亦已傾好，Soler所屬的bma唱片公司亦獲得一份草擬合約。

只係收十萬

為準備演出，身在加拿大開騷的Soler自掏腰包upgrade機票趕返香港，但兩人抵港後，bma一直聯絡不上中介製作公司人員，而Soler亦因此要被迫缺席。對於Soler被屈臨時甩底，其所屬的bma行政總裁崔永昌昨日接受本報求證時表示：「Soler平時做商場騷係視乎商業性質定宣傳性質，好似佢哋七月四日喺Hard Rock Cafe表演，帶埋隊band去唱四十五分鐘只係收十幾萬，如果宣傳嘅商場騷效應大，佢哋只會象徵式收費，大家互惠互利！」

作古仔甩身

崔永昌亦承認該中介製作公司曾接洽過Soler到澳門演出，但強調不是周刊所指獅子開大口，他表示：「我哋到依家都仲未搵到嗰間中介製作公司嘅人，直至睇到呢篇報道，先知道間公司但求甩身而作古仔誣衊我哋，本周刊又唔去求證，仲甘於畀人利用！」最後崔永昌無奈表示：「好多謝本周刊捧Soler個價捧到咁高！」

文：音樂組