憑驕人身材「凸」圍成名的「3E胸軍」劉欣宜、Rin及Lavina，日前拍攝PS3下載網劇《夏5盛放》，同場還有「美少女廚神」胡心諾（Rainbow）、「翻版阿Sa」周凱盈及「翻版阿嬌」勞詠君，六女穿上性感比堅尼在泳池上大玩浮床水槍，為網劇舉行火辣下水禮。

Lavina全日表現搶鏡，彎腰谷胸勁擺性感甫士。	劉欣宜全程黐實椋名凜，更拒絕「不請自來」的鍾蕙芝爬上浮床。	身材出眾的Rin謀殺不少菲林。
因泳衣太細，令Rainbow頻頻用手整理。	「翻版阿Sa」周凱盈（左）及「翻版阿嬌」勞詠君打孖出擊，但似乎不敵「３Ｅ胸軍」風頭。

不請自來被拒上浮床

日前踢爆有巨胸靚模工作態度差的劉欣宜，與同是E Cup身材的Lavina未能「物以類聚」，反而全程黐實日籍索模Rin，懶理其他靚模。而博出位的Lavina每每遇上鏡頭即彎腰谷胸，大擺誘人甫士，但就令五女不滿，對她「眼睥睥」。

及後劉欣宜與Rin被安排上浮床玩時，冇份玩的Lavina居然「不請自來」主動爬上浮床，嚇得劉欣宜大嗌：「你上嚟就沉！」明顯力拒對方埋身。另外，因身材輸蝕的Rainbow見Lavina表現雀躍，亦出盡渾身解數，在浮床上拍照時大擺不同姿勢，但因泳衣太細險些移位，要頻頻用手整理。

為學日語懶理其他模

事後問劉欣宜為何只與Rin傾偈而不理其他靚模？她說：「其實我同Rin喺Facebook就已經識咗，仲有我學緊日文，希望可以同佢講多啲。因為其他model係同一間公司，所以冇咁熟。」劉欣宜又透露與公司的合約差不多完結，現已找到新公司，但仍與現時公司關係良好。

另外，全日表現風騷的Lavina表示：「今次個角色係做一個好有魅力嘅女仔，有一輯着住睡衣喺床上拍攝嘅片段，會更加好睇。」

文：專案組

攝：吳文聰