最近盛傳(o靚)模楊穎（Angelababy）跟緋聞男友陳偉霆（William）分手，原來伊人確實是另結新歡！經常港日兩邊走的Angelababy最近抽空返港，儘管時間非常趕急，仍堅持要拖寶貝行街出巡，Baby更直言：「好驚佢唔再理我！」
早前有報道指Baby在外地工作時，與混血男模拍檔James到酒店談心，狠心撇下男友William。雖然Baby已開腔表示緋聞只屬笑話一則，又強調與William關係不變，不過Baby原來已心有所屬，情歸她家中的貴婦狗仔「ＢＢ」。
帶小狗洗白白
簽約日本avex後，Baby將所有心思放在日本市場上，儘管有時會回港出席公開活動，但行程仍然非常緊密，所以家中的小狗只好由家人代為照顧。日前Baby返港出席活動後即急急腳返歸，以為她趕着密會William，原來她特地與女助手帶小狗去行街扮靚。當日身穿便服及化淡妝的Baby吸引不少途人目光，可惜「ＢＢ」卻非常唔生性，不時跳起逗主人玩，令Baby狼狽非常。
其後Baby放低小狗洗白白，就與女助手揀選寵物玩具，再到櫥窗外望其他品種的小狗。期間他們竟巧遇叻哥和0秀姑，還睇中同一隻小狗，認真巧合。兩小時後，Baby接回煥然一新的「ＢＢ」離去。
日本返歸被咬
事後記者致電Baby，她承認很久沒有陪過愛犬，笑言：「最近經常唔喺屋企，上次我去完日本返嚟之後，ＢＢ一見到我就咬，表示佢嘅不滿。我好驚佢唔再理我，所以今次返嚟我就堅持親自帶佢扮靚靚，希望佢會知道我仲係好錫佢！」Baby如此愛錫小狗，未知William會唔會呷醋？
文：專案組