本文重點
何超儀（Josie）、車婉婉、谷祖琳前晚為《美女廚房》錄影，更分別找來好友Coei、洪天明及麥玲玲等幫手。眾人炮製鵝肝腸及鹹豬手雲吞窩，更即時灌羊腸衣，雞手鴨腳搞到要眾主持落台幫手，而穿上私伙圍裙的Josie的廚藝就博得各評判稱讚。
期間，鄭中基告訴劉以達謂：「啲羊腸衣係希臘時代畀士兵做安全套，攜帶方便，仲可以食添！」天明問劉以達用過未？劉以達則謂：「我唔用套㗎！」之後他們搞了很久都找不到羊腸衣的頭，農夫的C君謂：「咁辛苦，搵到個口都唔想再進入呀！」
叫喊聲如生仔
而Josie塞鵝肝及肉入羊腸衣時，叫喊聲如生仔般，事後她坦言自己對烹飪有概念，最拿手整檸檬雞，但只整過給老公吃，她說：「我氹佢追我嘛！爹哋都未試過我手勢。」而麥玲玲低胸不時烏低身，農夫笑謂：「你唔好烏咁低，就嚟跌出嚟，大C Cup（大師級）果然唔同啲。」