本文重點
【楊歡成珠海直擊】昨日楊千嬅、張震、名模Amanda S.及Lisa S.齊到珠海出席「第五屆Audi Driving Experience 高級駕駛體驗」活動，即席落場大玩包括R8超級跑車等多款新車。期間千嬅試玩R8時，更論盡的撞跌跑道上多個雪糕筒，而張震載着Amanda及Lisa駕駛越野車時，更被泥地絆着動彈不得，十分狼狽！
認錯陳奕迅
千嬅笑言有意買部四門房車來接載家人，至於會否包括緋聞男友丁子高？千嬅說：「有啦！我唔會立亂畀人上車。（丁生咪好放心？）我答唔到你。（係咪結婚？）我從來都唔恨嫁，亦冇人同我求過婚。」千嬅又自爆瘀事轉移視線，說曾認錯途人為陳奕迅，記者笑問為何兩人曾拍拖也會認錯？千嬅說：「係呢，冇可能，唔好再提。」
同樣熱愛駕駛的張震，直言視駕車為私人空間，會泊在路邊看書，並熱愛接載朋友在台灣四處遊玩。現為新片練功夫的他，說不愛打架：「我冇功夫底子，要由零開始，拍功夫片係挑戰。」