鍾舒漫（Sherman）、鄭融、側田、方皓玟等前晚出席香港音像版權有限公司廿五周年活動，在派對上唱歌助興，Sherman透露包辦新碟十首歌的作曲，好開心公司給予機會，為作曲花了一萬元添置器材。
鄭融對有傳關淑怡不滿公司偏心她而不續約，鄭融否認有偏幫：「以佢咁有年資、地位咁高，續唔續約唔係咁大件事。（你升做一姐？）咁講冇意思，歌手做番自己嘢，我同佢唔算熟，但見面佢都有捉住我傾偈。」
至於側田對被影射一事則勞氣的說：「我冇上夜總會，搞錯，呢啲講乜都得，自己用實力。（大把女友唔使去？）唔係，唔好屈我，形象已經畀人寫到衰晒，我冇做錯事，唔會改變自己。」
