張學友昨日出席一活動時表示，身為兩女之父的他，身體力行關心青少年健康成長，他說：「小朋友要有正確是非觀念同責任感。而太太就一定要囡囡將來做醫生、律師、會計師等專業人士，我就冇特定行業要囡囡做。」學友不希望囡囡入娛樂圈：「做藝人壓力大，唔係吓吓可以紅館。（囡囡有乜志願？）小朋友每分鐘都變，知我唱歌就想做歌星，前排興航天就想做科學家。」
至於顧美華妹妹顧麗華自殺疑與婚姻出現第三者有關，學友說：「呢個係一個家庭悲劇，希望大家做事之前諗清楚後果，唔好太衝動，自己會借呢件事作為警惕。（有冇試過行差踏錯？）咁危險嘅嘢唔好做，輸唔起！（飛來蜢埋身？）我都人老珠黃，去邊度搵飛來蜢！」
