本文重點
（o靚）界女神Angelababy（楊穎）與英皇新人王William（陳偉霆）的三年情經不起考驗？有傳Baby經理人Kim將Baby與熊黛林作比較，認為她們的另一半，William與天王相距甚遠，致棒打鴛鴦，不過這對「分手」情侶，最近卻分別與胡敏珊合作設計腕錶，William設計的腕錶印上「Love」字樣，似要向Baby示愛箍煲。
Baby成功簽約日本avex，全力向日本發展，深受一眾宅男歡迎，事業得意，卻愛情失意，她與William的情路將受到考驗，對被指是棒打鴛鴦的罪人，Kim不滿地說：「扭曲事實嘅事，我不予置評，識我嘅人都知我係點。（你係咪只准旗下模特兒同天王拍拖？）癡線，Baby有好多朋友，唔理係咪天王，只要健康正派就得，佢啲朋友個個都好好。仲有我要澄清Baby從來無同人住（同居）過，只係同家人父母住，無搬去貝沙灣，佢係去搵朋友。（有傳Baby識咗個有錢外籍男友？）有無證據？（Baby依家有無拍拖？）無拍拖，佢拍拖嘅嘢我唔會回應，問我邊個我都唔會回應。」
印「Love」示愛
Baby和William剛剛「分手」，但最近他們卻不約而同跟鐘錶界美女胡敏珊的自家品牌Chouette合作推出腕錶，卻發現William所設計的腕錶，錶面印上一個「Love」，似有意向Baby示愛箍煲，至於Baby設計的腕錶，則只有她的個人logo「AB」字樣，沒有對示愛作出回應。
問胡敏珊知否兩人經已分手，她驚訝地說：「吓！我唔知佢哋拍過拖喎，唔知係咪真，（佢哋冇互相探班？）冇見過，不過如果真係分手好可惜，佢哋係型仔和靚女，好襯！」
文：名人組