顧麗華去世大半個月，顧美華暫時平復喪妹之痛，接受查小欣主持的《巴巴閉邊個夠我查篤撐》訪問，訪問初段，顧美華透露妹妹和丈夫馮潮澤感情本來恩愛，但在去年初妹妹性格突變，及至同年六月，顧美華才知妹妹婚姻出現第三者：「佢（妹妹）突然攞咗本周刊出嚟，報道話個女仔一日用咗幾十萬買車又買錶，跟住佢指住個女人話『就係呢個女人』！（意思係第三者？）係！」顧美華稱當時妹妹得悉丈夫跟第三者公然出雙入對，但她選擇隻眼開隻眼閉，顧的父母亦十分擔心細女，其年邁父親的體重更一度暴跌三、四十磅。
外遇想做馮太
顧美華又指第三者曾向馮潮澤要求坐正做馮太：「個女人直接同馮生講，馮生同我講，佢對我好坦白，我反問佢係咪答應咗個女人？佢話係！」主持問顧美華為何馮會為一個女人改變廿多年的婚姻？她說：「佢話個女人係虔誠天主教徒，佢為咗自己墮胎犯下彌天大錯。（又有BB？）係，墮胎係之前，或早過○八年。（天主教徒唔可以有婚前性行為？）唔清楚。」顧美華稱馮從加拿大回來後說，若第三者真的懷孕，便會跟對方在一起，及至妹妹去世，馮給她妹妹的日記，她在日記中發現妹妹記載第三者三度懷孕，文中顧麗華言明若第三者真的有孕，就認同是天意會簽紙離婚，成全二人。
顧美華稱在妹妹打空氣針自殺獲救後，曾覺悟做錯事向家人道歉，並答應不再做傻事，她說：「佢話自殺要落地獄，輪迴受苦好慘。」惟五月二日佛誕當日，顧麗華最終仍選擇自殺了斷。
談到妹妹自殺，顧美華邊哭邊說：「佢死當日我去到醫院，覺得好似世界末日，成個身好似畀人扯開……見到佢（妹妹）十二歲嘅細仔好慘，佢目擊成件事發生。（有傳馮生跪喺度喊？）冇感覺！」及至十九日顧麗華設靈當天，顧美華稱有對夫婦朋友跟她說：「佢哋同我講話我個妹曾經收過第三者電話，對方同佢講『我今年生日最想收嘅禮物係你死』，連馮生個家姐都同我講，話第三者成日打電話畀我個妹。」
出事前往浴佛
顧美華稱有天妹妹與丈夫外出睇戲食飯，但第三者不斷致電馮生，馮生沒接電話，第三者轉而致電顧麗華，要求顧麗華讓馮生見她，顧美華說：「當時馮生想修好，點解又要去見第三者？個男人話個女人依家冇乜工作，想佢支持佢一陣，之後個男人返到屋企放低電話叉電，但個女人不停打畀佢，打到天光超過五十幾個電話！（佢想點？）佢一定要個男人去見佢，如果唔去就踩上佢屋企搵我個妹！」
顧美華亦公開妹妹死前十二小時的行蹤：「佢當日中午去咗『浴佛』，跟住去做按摩同購物，夜晚十點前仲傳咗幾個短訊，出事前嘅十點後至十一點就空白，中間有冇收咩電話就唔知，到依家仲係個謎。」顧美華稱原本可翻查電話單，但妹妹去世後數天，其丈夫便更換了電話。訪問至最後，顧美華激動說：「唔明一個男人為咗開心，個第三者為咗物質同金錢而去做啲傷害人嘅嘢，係咪做老婆只可以忍？佢最終忍唔到所以去咗，但剩低落嚟嘅傷痛，我哋同父母都會帶住一世！」
文：音樂組