擁有34D驕人上圍的姚樂怡，本年初飽受變態狂徒電話性騷擾，更口出狂言下強姦令。由於事態嚴重，早前報警求助的樂怡，日前再到警署落口供，她揚言絕不會姑息變態佬！
身材惹火的姚樂怡，經常穿上三點式大晒本錢，豈料成為變態狂徒性騷擾對象！據知，今年1月，樂怡被一名神秘男子日以繼夜電話性騷擾，對方在電話中不斷呻吟，更說「好想同你×嘢」，以及出言要強姦她。
由於事態嚴重，樂怡在2月26日到紅磡警署報案，警方迅速查出疑犯身份，據知該名疑犯今年只得17歲，於會計師行任職速遞員，因一次運送文件給樂怡時，暗地裏偷取了她的個人資料，包括手提電話號碼及住址等。
好多女藝人中招
上周末，樂怡被發現再到警局落口供，顯得心事重重，不時講電話向人吐苦水，在報案室逗留約一小時後，她在女警員陪同下由後門離開。當時樂怡亦向女警員「訴苦」，只見她愈講愈勞氣，七情上面。
記者趁機上前問她，是否為電話性騷擾來報案，起初她不欲多談，當提起變態狂徒所作所為時，她即顯得情緒激動地說：「今年一月連環受到電話性騷擾，對方不分晝夜打電話嚟，不斷呻吟，仲講埋啲好三級嘅說話，極度變態，又話好鍾意我，又話強姦我，真係忍無可忍。其實好多女藝人都遇過同類事件，只係唔想惹麻煩，但我覺得唔應該姑息呢啲人，唔好以為做咗冇人知！」
掌握變態錄音帶
據知，樂怡手中亦掌握疑犯的「變態錄音帶」，作為呈堂證物，她說：「唔方便透露太多，但對方知晒我電話、屋企同工作地址，梗係擔心啦！（對方只有17歲？）所以警方提議我畀佢具結擔保，但我仲考慮緊！」至於樂怡身邊好友洪天明、湯盈盈，也支持樂怡報警，盈盈說：「其實呢件事我好早都知，有一次同樂怡食飯，聽到佢喺電話度講『你唔好再打嚟喇』，非常勞氣。」
文：專案組 攝：李廣成