梁政珏正忙於拍攝無綫劇集《蒲松齡》，前晚她在電視廣播城暈倒，更一度要由救護車送院。
昨日梁政珏在電話中表示，之前到大陸拍劇集《摘星之旅》已又屙又嘔，一直未痊愈，前晚開廠期間覺得胃痛，吃過胃藥後都頂不住，她曾問工作人員攞胃藥食：「之後覺得手腳開始麻木，聽嘢又唔清楚，點知行到女廁門口就暈，好在有個服裝同事扶住我，又同我搽油。」入院後，醫生替她作了詳細檢查，指她白血球過高，有可能身體某些部位發炎，梁政珏說：「我不嬲腸胃都有啲問題，醫生曾叫我照內窺鏡，但我冇照。」為免阻礙拍攝進度，昨日她如期拍攝外景及廠景。