蔡卓妍（阿Sa）昨日出席公開活動，問到是否有意與男友鄭中基（Ronald）合作拍攝賀歲片？阿Sa說：「我都係睇報紙先知。」身旁的經理人霍汶希說：「我有打去問，不過佢哋話未定。」阿Sa表示最緊要劇本同導演好，亦不介意在戲中與Ronald有親熱鏡頭，她說：「人哋唔嫌棄我已經好好。（太熟好難入戲？）我係一個專業演員。」問到如成事是否因情侶檔而叫高片酬？阿Sa說：「乜可以咁樣㗎咩？等Mani安排。」Mani即笑言會搞搞佢，她說：「攬就加十萬、錫就加廿萬。」抵死的阿Sa和應說：「錫一秒收十萬啦，講笑啫，邊有人咁戇居。」
