TVB又裁百人湯盈盈心噏

無綫昨日裁員百多人，娛圈議論紛紛，宣萱表示：「其實之前裁咗員少咗人做嘢，譬如出外景冇咗個場務，喺邊度上車都冇人帶。雖然影響都唔係嚴重，我只希望人人有工做，但經常傳出裁員消息，開工時啲氣氛都唔係咁開心。」
鄭裕玲
  • 鄭裕玲

馬浚偉則指有數位識了十多年的外景組朋友被裁，很不開心，做藝員亦對決定無能為力，只望公司開創新職位時會優先考慮被裁的同事。鄭裕玲、湯盈盈以及陳敏之亦異口同聲表示聽到裁員消息感到不開心，希望裁員潮可以停止，在TVB工作逾30年的鄭裕玲更稱「個心好唔舒服」。但陳敏之揚言要尊重公司決定，因決定必有其原因。