何韻詩（阿詩）、方大同、黃偉文、林海峰（Jan）等昨日當選網上十大潮人，阿詩謙說眼中的潮人就有蕭芳芳及師傅梅艷芳：「師傅以前啲前衞形象，依家睇番都覺得好潮。」問到有傳其好友傅穎因不是賺錢歌手，故將遭唱片公司「叮出局」？她笑言：「如果係我就一定被『叮』。」阿詩覺得每位藝人都是公司的資產，正如自己的作品就有一定的品質保證。
Jan被問到早前彭羚着鬆身衫出現，他否認太太懷孕：「依家佢着番緊身衫啦，如果着鬆身衫就大肚，咁着闊褲咪生痔瘡？（諗住生多個？）交配緊啦，我講我九月開鑼個Talk Show呀！」十分無厘頭。至於一向走在時代尖端的黃偉文，戴上面紗、Chanel小手袋、雙手及雙腳均塗上不同顏色的甲油，打扮甚具味道。