薛凱琪（Fiona）與周柏豪昨日現身《職安健巡迴小學探訪活動》，兩人因較少到小學出席活動，故感覺特別，柏豪說：「好唔同，平日中學生會拿相機或者電話出嚟影相，小學生就冇，不過佢哋會做手勢扮影，好得意。」其中一名女學生更因柏豪與她不斷揮手而笑到喊，柏豪續言：「初初都嚇親，以為唔知做咩整喊佢，之後先知佢笑到喊。」
問到Fiona見到一班可愛的小朋友，有否即時母愛大發，計劃生B，她說：「自己好鍾意小朋友，不過到自己冷靜諗就覺得未係時候生，依家要養爸爸、媽媽先。」Fiona又謂科技進步，打算三十歲後才造人，她說：「結咗婚都諗住過吓二人世界先（雪卵？）都係好提議！」柏豪又透露婆婆恨抱曾孫，不惜貼錢給他結婚，他說：「婆婆成日催我結婚，仲話幫我畀酒席，但都未有對象點結婚？不過如果結婚都會生，自己就鍾意生女。」