揚言三十歲前會密密生的徐子淇，於本月16日為李家再添一名新成員。由於子淇兩次誕女都是開刀，有指孕婦開刀產子不能超過三次，否則會對胎兒及自身造成影響，假若情況屬實，現年廿六歲的子淇還有一次機會為李家添丁。
不過關嘉美醫生卻安慰子淇不用擔心：「佢之後順產咪得囉，仲有大把機會啦！其實依家醫學咁昌明，有醫生睇住嘅話，開多過四次刀都應該冇問題，不過當然唔可以好似順產咁去到十次、八次啦。其實之所以話孕婦唔好開刀咁多次，係因為開過刀後孕婦個子宮會有疤痕，驚下次再懷孕嘅時候疤痕位會破裂。不過子淇好在後生，復原能力快，若果配合埋適當嘅休息同好好咁調理身子，即使開過兩次刀，三年抱兩對佢嚟講絕對冇問題，繼續努力啦！」