男人的友誼通常只會藏於心，余文樂入行多年原來一直與幾名中學老死保持聯絡，間中更相約旅行，數年間已遊歷整個東南亞。最近新片開拍在即，阿樂再「率隊」遊台灣，且相約彭于晏（Eddie）打波，可謂偷得浮生半日閒。
據悉，阿樂與幾名老死共同興趣不少，除喜歡打籃球外，更經常結伴出埠歎世界，最高紀錄試過一年「短聚」四次之多。繼早前相約到日本滑雪後，阿樂最近又再忽萌其想，領隊到台灣吃喝玩樂，盡情而歸。返港後他急忙將旅行相上載至自己的網誌內公諸同好，且謂：「好似小學生去旅行咁興奮，我其中一個老死係教人打籃球嘅，所以時間比較容易遷就。講真，人愈大知己愈難求，keep得住呢份友誼，我都覺得好慶幸㗎。」雖然入行後工作頻繁，不過阿樂盡量抽時間出席同學聚會，同學結婚他更落力幫忙。
這次台灣行阿樂更相約盛傳因與蔡依林拍拖，而遭經理人公司雪藏的Eddie鬥波。當年因合拍台劇《愛情白皮書》而結緣的二人，至今仍保持聯絡，今年年頭Eddie還越洋往阿樂家中作客，可見阿樂相當念舊。