敖嘉年向來給人斯斯文文的感覺，於現時播映的劇中，首次飾演「衰仔」角色的他，可謂過足戲癮。今次有機會與黎耀祥、鄧萃雯、商天娥合作，眾人的提點令他獲益良多，而自小學武的嘉年，更希望有機會拍打戲，一展所長。
敖嘉年於九六年考入電台擔任DJ，跟周國豐、李志光、洪朝豐等前輩做節目，之後洪朝豐邀請他一起到新城電台工作，之後更介紹他到無綫擔任節目主持。
捉姦在床
近年，嘉年受監製賞識，多了不少拍劇的機會，這次於劇集《巾幗梟雄》中佔有不少戲份，令他感到很開心，說到壓力，他反而說不大。嘉年謂：「始終劇裏面好多前輩，都冇得同佢哋比較，祥仔（黎耀祥）叫我向前望，我亦只管做好本分，我第一次做到咁衰仔，之後仲講我同舅父嘅女人（胡定欣）被捉姦在床。」
嘉年大讚劇本寫得很好，令他們演得很舒服，當然，亦多得一班前輩對他提點。他坦言：「平時喺廠拍攝，我一見娥姐（商天娥）喺旁邊點頭就好安心，一做得有啲唔妥，佢就會出聲教我，鄧萃雯、祥仔亦教我好多。」
娥姐疼錫
對於有雜誌指商天娥與劇中演員相處得不開心，嘉年謂：「娥姐份人好硬朗，喺《胭脂水粉》中我做過佢個仔，佢好錫我，有乜佢都會畀意見，不過娥姐工作好認真，遇到有演員唔熟讀劇本，佢真係會開聲。」
此外，嘉年自小習武，現時每個星期都會練習刀、槍、劍等，問他會否希望拍打戲，他說：「當然想，一來自己鍾意，二來都希望學以致用。」
文：影視組
攝：馬永堅
場地：Termini tea yard