張文慈（Pinky）將到上海拍攝約四十集電視劇《再見艷陽天2》，屆時有幸與內地一級女演員孫儷合作，Pinky表示必定會全力以赴「學嘢」，並謂：「今次大約會逗留兩、三個月，呂頌賢、吳廷燁（壽仔）都有份參與，感覺好似老朋友敍舊。」
Pinky曾與壽仔傳緋聞，難怪日前她與台前幕後碰面時，慘成取笑對象。原本台灣演員許紹洋亦有份演出，但最終未能達成合作協議而告吹，Pinky對此大感可惜。她說：「因為當年睇佢拍嘅《海豚灣戀人》，好鍾意佢個角色，有得合作梗係好啲啦！不過佢之前嚟香港傾嘢，有朋友已經介紹咗我哋認識，我諗有緣嘅話，遲啲都可以合作嘅。」
另外，Pinky亦會與廖碧兒、任達華等合作新片，劇情交代她最終在浴室遭廖碧兒殺死，可謂非常「香艷」。Pinky笑謂：「諗定點打底囉，不過我諗都係意識上嘅啫，冇乜嘢睇嘅。」