舞台劇猛人梁祖堯先後與多位女歌手合作，今次找來相識多年的好友朱薰合演舞台劇。鬼馬的梁祖堯笑言很想瞓在對方胸口，朱薰則表示為配合對方，不介意升cup變「G奶」，並有意買「缽仔糕」凸顯效果。
梁祖堯與朱薰近日忙於為本月底舉行的舞台劇進行綵排，「傻大姐」朱薰一向忍不到笑，問她怕不怕屆時出醜人前？她說：「唔擔心，始終唔係得自己一個，加上有祖堯帶我入戲，應該唔會有事。」
讚林二汶身材好
曾與何韻詩、薛凱琪及at17成員林二汶合作的梁祖堯，大讚林二汶身材惹火，並笑吟吟說：「久唔久試啲唔同嘢都好嘅。」然後又大講有味笑話：「我都想瞓喺佢（朱薰）胸口㗎！」向來玩得的朱薰即時答應：「我唔介意，等我變G奶先啦，如果可以，我都想試吓G奶係咩感覺。」
用多重「缽仔糕」
梁祖堯透露故事全是諷刺時弊，當中的角色有意採用藝人名字。其中一幕朱薰要着Deep V套裝扮OL出陰招，抵死的祖堯說：「靚唔靚就真係各花入各眼。」朱薰即時反擊說：「梗有Market。」朱薰表示為配合角色會裝胸出現，問到是否利用多重「缽仔糕」凸顯效果時，她笑說：「咁真係要去掃貨喇。」祖堯又透露不會與朱薰咀嘴：「唔會喇，因為呢套劇係冇愛情線。」
文：音樂組