譚凱琪（Zoie）很感激父母從來不縱容，令她長大後不至於成為患「公主病」的港女，甚懂為人設想的Zoie自言不是名牌奴隸，而且很想與「電車男」做朋友，了解他們的內心世界。
「港女」特質一再被研究，Zoie慶幸自己生長在四姊妹的大家庭，從小學會尊重別人和為他人設想，不至於成為被寵壞的一群。她說：「我有兩個家姐一個妹，唔係最大又唔係最細，屋企從來都唔會特別縱，所以會學識做每樣嘢都會諗其他人感受。」
學懂尊重
戀愛過程中，Zoie自言不是一個會胡亂呼喝男友的野蠻女友。她謂：「見自己身邊好多女性朋友會呼喝男朋友，搞到個男仔好似唔受尊重，仲會不時攞分手嚟威脅。我自己好唔鍾意，覺得咁樣唔會搵到真愛！男仔點都鍾意女朋友喺適當時候嗲吓，呢樣嘢我喺我家姐同姐夫身上學識，間中互相氹吓對方，大家都開心。」
愛掃平貨
Zoie表示不會盲目追求名牌，而且對「電車男」很有興趣。她說：「其實我鍾意去唔同國家搵平、靚、正嘅嘢，我鍾意行街邊檔，搵到好嘢仲開心過買到絕版名牌貨。至於電車男我真係唔抗拒喎，感覺上佢哋活喺自己嘅世界，唔識同人溝通。我同好多人都做到朋友，都想了解吓佢哋，可能佢哋咁專注會有好多過人嘅知識。」
文：影視組
場地：Spa Collection