關寶慧之前到大陸拍攝劇集《賢妻良母》，劇中只得她、張致恒及鄭佩佩三位香港演員，寶慧於劇中有不少鬧人的戲份，她坦言：「今次對我嚟講係一個好大嘅訓練，呢個係我第二次完全講國語對白拍嘅劇，啲對白又多，真係講到一口泡，自己都唔敢偷懶，成日喺度背稿，幸好都甚少ＮＧ。」劇中，她又會有場結婚戲，她笑言：「着婚紗拍劇係就係靚，不過着咗廿幾次都冇次真！（好恨嫁咩？）都恨㗎！不過再講就冇人追我呢！」稍後，寶慧又要到海南島兩個多月拍攝另一部新劇。
此外，不少網民都指台灣熱播劇集《敗犬女王》中的女主角楊謹華與寶慧有些似樣，寶慧聞言即謂：「有個記者都打嚟同我講，不過自己睇過，都唔覺得似，但都開心嘅，人哋咁青春。」
