最近炮製另類感覺新歌的胡琳（Bianca），其爵士曲風早已深入民心，並獲歌迷肯定，日前在內地舉行的「華語音樂盛典2009」，便與陳啟泰分別獲頒「最愛流行爵士男、女歌手獎」，Bianca直言很高興自己的努力得到樂迷認同，並希望新歌《野地戀人》也可取得好成績。
雖然最近忙於宣傳，但Bianca亦不忘偉大的母親，較早前特意赴廣東與媽媽慶祝母親節，至於準備了甚麼禮物？Bianca就實行講心唔講金：「自己由細到大都鍾意駁嘴，乜都駁一餐，所以嗰兩日媽咪講咩我都話『哦』同『係』，媽咪仲讚我真係大個女！」Bianca笑言細個時經常激到媽咪「生蝦咁跳」：「大個咗就會明白媽咪湊大我好辛苦，以前可能會因為一啲小事激嬲佢，爸爸仲話媽咪會唔開心好耐，聽到都覺得好內疚！」