本文重點
憑「謎女郎」出位的呂慧儀在新一輯《謎》貫徹過往性感形象，繼續在觀眾面前婀娜多姿，即使肉光四射，呂慧儀也滿不在乎，還說：「唔通老咗先嚟性感咩？」
新一輯《謎》今晚正式播出，性感的「謎女郎」向是節目的賣點，不少視迷都會因她捧場，問呂慧儀可介意總要性感示人？她表示：「唔介意！性感得嚟健康咪得囉，後生唔性感，唔通老咗先嚟性感咩？」
激發喜劇細胞
呂慧儀在節目中將有七、八個不同造型，除了晚裝的冶艷look、更會扮盜墓者羅拉、獵人等，與鄭少秋扮鬼扮馬解謎，呂慧儀說：「今次形式唔同，上輯好cool，今次就以喜劇形式解謎，有好多對白，我發現自己都有喜劇細胞，希望《謎》可幫我打開喜劇市場。」
秋官扮演的001（Adam鄭）解謎無數，但原來有個在呂慧儀身上的謎至今還未破解，呂慧儀笑稱：「我成日着性感晚裝，無線咪好難搵地方黐，秋官估咗好耐，到依家都估唔到我放咗喺邊呢！」
採訪：影視組
攝影：司徒國榮
髮型：Steve@HAiR
化妝：Emily Ng
服裝：TED BAKER
場地：Cadero
（海港城）