樂壇天后容祖兒（Joey）先聲奪人，將於下月舉行音樂會，演繹從未曝光的國語情歌，讓歌迷近距離體驗「真正的容祖兒」。Joey亦透露她的感情觀，表示會憑感覺選擇對象。
Joey將於六月十三日與網上音樂平台MOOV合作，現場演繹最新國語大碟內未曾曝光的情歌，將新碟的現場版與一眾歌迷分享。Joey已有一段時間未有舉行小型音樂會，她形容是個不一樣的體驗，能感受歌迷的即時反應。Joey說：「今次國語碟好唔同，搵咗資深製作人許懷良合作，大家花咗好多時間去溝通，歌詞上落足心機。以前可能會分心喺啲敏感字嘅發音，今次合作令我少咗一份顧慮，自己都想將目光放遠啲，向香港以外嘅巿場發展，為港人爭光。」
一度迷失
Joey入行十年，現已貴為樂壇天后的她依然努力工作，在她身上從來找不到一個「囂」字。Joey謙虛表示：「藝人都係人啫，今日我有嘅嘢唔係單憑自己就可以得到，身邊有好多人幫過我，唔覺得自己特別威。」她坦言曾經見過有人在成功後有所改變，而她亦遇過迷失的時期，不過她不停作自我提醒，才沒有變得囂張。
打開心扉
談到感情生活，向來真性情的Joey赤裸裸地剖白自己的愛情觀，她說：「唔會強求，有啲人會睇條件睇得好重，但自己係嗰種感覺行先嘅人，兩個人相處，特別自己係藝人，包容、體諒係好重要。」
雖然Joey平日蹦蹦跳，但心底裏卻是一個慢熱的人。然而成長的過程讓她懂得慢慢打開心扉，主動認識不同類型的人。問她是否因為心急求愛才放下戒備？Joey即哈哈大笑說：「唔係，自己都唔趕，只係平日大家喺電視上睇到嗰個我，同真實嘅我可能根本唔同，明白個世界唔會因為我而改變，要令更多人了解自己，就先要自己改變。」
採訪：陳寶
攝影：馬永堅
髮型：Heibie Mok@Hair Culture
化妝：Arris Law
服裝：Harvey Nichols