戚黛黛、筱靖、黎燕珊、黃倩婷等昨日出席亞視宣傳活動，早前與黛黛同公司的沈婷已簽約英皇，問到黛黛有否聯絡婷，她謂：「我哋有傾MSN，佢話會拍電影多啲，（佢即時升價？）咁又唔知，自己都冇睇報道。」
九月將與亞視約滿的黛黛又笑言不少同事問她是否不會續約，而跟婷一同簽英皇，她表示：「我又唔係拍電影，（唱歌囉！）年紀太大，自己唔夠妹妹仔鬥。」
亞視日前再度裁員，筱靖坦言正用母親給的附屬卡，更呻謂：「我哋呢份糧好奀，好睇唔好食。」黎燕珊表示對裁員已感到麻木，說到無綫「挖角」，她坦言：「亞視始終係娘家，又唔抗拒我營商，不過《EVA會客室》擱置咗，之前嘉賓、地方都係我搵番嚟。」
